STOCKS

News


కన్నాట్‌ ప్లేస్‌ అత్యంత ఖరీదు

Wednesday 11th July 2018
personal-finance_main1531328493.png-18226

హైదరాబాద్, బిజినెస్‌ బ్యూరో: ప్రపంచవ్యాప్తంగా అత్యంత ఖరీదైన ఆఫీస్‌ మార్కెట్లో మన దేశం నుంచి రెండు నగరాలకు చోటు దక్కాయి. ఢిల్లీలోని కన్నాట్‌ ప్లేస్‌ 9వ స్థానంలో నిలవగా.. ముంబైలోని బాంద్రా కుర్లా కాంప్లెక్‌ (బీకేసీ) 26వ స్థానంలో నిలిచాయని రియల్‌ ఎస్టేట్‌ కన్సల్టెనీ సంస్థ సీబీఆర్‌ఈ నివేదిక తెలిపింది. ప్రైమ్‌ ఆఫీస్‌ మార్కెట్‌ వృద్ధికి ప్రధాన కారణంగా సాంకేతికత, ఆర్ధిక వృద్ధి, ఈ–కామర్స్‌ రంగం అభివృద్దేనని సీబీఆర్‌ఈ ఇండియా అండ్‌ సౌత్‌ ఈస్ట్‌ ఏషియా చైర్మన్‌ అన్షుమన్‌ మేగజైన్‌ తెలిపారు.
అద్దె చ.అ.కు రూ.10,532..
ప్రైమ్‌ ఆఫీస్‌ మార్కెట్లో గతేడాది 10వ స్థానంలో నిలిచిన కన్నాట్‌ ప్లేస్‌.. ఈ ఏడాది ఒక స్థానం మెరుగు పరుచుకొని ప్రస్తుతం 9వ స్థానంలో నిలిచింది. ఇక్కడ ఏడాది అద్దె చ.అ.కు రూ.10,532, ముంబైలోని బీకేసీ మార్కెట్‌లో చ.అ.కు రూ.6,632లుగా ఉంది. అలాగే ముంబైలోని సెంట్రల్‌ బిజినెస్‌ డిస్ట్రిక్ట్‌ (సీబీడీ) ఖరీదైన ప్రాంతాల్లో 37వ స్థానంలో నిలిచింది. ఇక్కడ ఏడాదికి అద్దె చ.అ.కు రూ.5,002గా ఉంది.
ఆసియా పసిఫిక్‌ జోరు..
ప్రపంచవ్యాప్తంగా 120 నగరాల్లో ప్రైమ్‌ ఆఫీస్‌ మార్కెట్‌ ఆక్యుపెన్సీ స్థాయి, ధరలపై సర్వే చేసింది. గత ఏడాది కాలంలో తొలిసారిగా ప్రపంచవ్యాప్తంగా ప్రైమ్‌ ఆఫీస్‌ మార్కెట్‌ ఆక్యుపెన్సీ వ్యయ వృద్ధి అన్ని రీజియన్లలోనూ స్థిరంగా ఉందని నివేదికలో తేలింది. అద్దెలు, పన్నులు, సర్వీస్‌ చార్జీలు ఇతరత్రా ఆఫీస్‌ వ్యయాలను కలిపిన ప్రైమ్‌ ఆఫీస్‌ మార్కెట్‌ ఏటా 2.4 శాతం వృద్ధిని నమోదు చేస్తుందని నివేదిక తెలిపింది. ఆర్ధిక వృద్ధి, స్థిరాస్తి లీజింగ్‌ లావాదేవీలు పెరగడంతో ఈఎంఈఏ, ఆసియా పసిఫిక్‌ రీజియన్లలో గతేడాది కంటే ఈ ఏడాది వృద్ధి వేగంగా జరిగింది. అమెరికాలో 3.2 శాతం, యూరప్, మిడిల్‌ ఈస్ట్, ఆఫ్రికా (ఈఎంఈఏ) 2 శాతం, ఆసియా పసిఫిక్‌ 1.7 శాతం వృద్ధిని నమోదు చేశాయి.
తొలి స్థానంలో హాంగ్‌కాంగ్‌..
అత్యంత ఖరీదైన ఆఫీస్‌ మార్కెట్‌లో హాంగ్‌కాంగ్, లండన్, బీజింగ్‌ నగరాలు తొలి మూడు స్థానాల్లో నిలిచాయి. హాంకాంగ్‌ సెంట్రల్‌లో వార్షిక అద్దె చ.అ.కు రూ.21,067, లండన్‌లో రూ.16,149, బీజింగ్‌లోని ఫైనాన్స్‌ స్ట్రీట్‌లో రూ.13,806గా ఉన్నాయి. ఆ తర్వాత స్థానాల్లో హాంగ్‌కాంగ్‌లోని కౌవ్‌లూన్‌ (రూ.13,026), చైనాలోని సీబీడీ (రూ.13,018), న్యూయార్క్‌లోని మన్‌హటన్‌ (రూ.12,629), మిడ్‌టౌన్‌ (రూ.11,789), టోక్కోలోని మరూంచీ (రూ.11,784) ప్రాంతాలు నిలిచాయి.

 



You may be interested

4 శాతం పెరిగిన ఆర్‌ఐఐఎల్‌ లాభం

Wednesday 11th July 2018

న్యూఢిల్లీ: రిలయన్స్‌ ఇండస్ట్రియల్‌ ఇన్‌ఫ్రాస్ట్రక్చర్‌ లిమిటెడ్‌(ఆర్‌ఐఐఎల్‌) కంపెనీ ప్రస్తుత ఆర్థిక సంవత్సరంలో రూ.1.92 కోట్ల నికర లాభం(కన్సాలిడేటెడ్‌) సాధించింది. గత ఆర్థిక సంవత్సరం క్యూ1లో ఆర్జించిన నికర లాభం (రూ.1.84 కోట్లు)తో పోల్చితే 4 శాతం వృద్ధి సాధించామని రిలయన్స్‌ ఇండస్ట్రియల్‌ ఇన్‌ఫ్రాస్ట్రక్చర్‌ తెలిపింది. గత క్యూ1లో రూ. 24.82 కోట్లుగా ఉన్న మొత్తం ఆదాయం ఈ క్యూ1లో రూ.24.93 కోట్లకు పెరిగిందని పేర్కొంది. మొత్తం వ్యయాలు రూ.22.06 కోట్ల

బీఎస్‌ఎన్‌ఎల్ ఇంటర్నెట్ టెలిఫోనీ సేవలు

Wednesday 11th July 2018

న్యూఢిల్లీ: ప్రభుత్వ రంగ టెలికం దిగ్గజం బీఎస్‌ఎన్‌ఎల్‌ దేశీయంగా తొలి ఇంటర్నెట్ టెలిఫోనీ సర్వీసును ఆవిష్కరించింది. మొబైల్ యాప్ ద్వారా దేశవ్యాప్తంగా ఏ టెలిఫోన్ నంబరుకైనా కాల్ చేసే సదుపాయం దీనితో అందుబాటులోకి రానుంది. జులై 25 నుంచి ఈ సర్వీసులు అధికారికంగా ప్రారంభం కానున్నాయి. ఇందుకు సంబంధించిన మొబైల్ యాప్ 'వింగ్స్‌'ను కేంద్ర టెలికం శాఖ మంత్రి మనోజ్ సిన్హా బుధవారం ఆవిష్కరించారు. "ప్రస్తుతం పోటీ తీవ్రంగా ఉన్న

Most from this category