STOCKS

News


రిటైల్‌ ఇన్వెస్టర్లు పనితీరులో ‘ఫండ్స్‌’ వెనుకే!

Friday 26th October 2018
personal-finance_main1540578480.png-21502

స్మాల్‌క్యాప్‌, మిడ్‌క్యాప్‌, ఈఎల్‌ఎస్‌ఎస్‌, మల్టీక్యాప్‌ ఫండ్స్‌ ఎన్‌ఏవీలు గత ఏడాది కాలంలో 3-10 శాతం మధ్యలో పతనం అయ్యాయి. దీంతో మ్యూచువల్‌ ఫండ్స్‌లో పెట్టుబడులను మానేసి, సొంతంగానే స్టాక్స్‌లో ఇన్వెస్ట్‌ చేసుకుంటే పోదూ... అన్న ఆలోచన కొందరు ఇన్వెస్టర్లలో సహజంగానే వచ్చింది. దీనిపై హెచ్‌డీఎఫ్‌సీ మ్యూచువల్‌ ఫండ్‌ ఈడీ, సీఐవో ప్రశాంత్‌ జైన్‌ స్పందిస్తూ... స్వల్ప కాల అవాంతరాలన్నవి దీర్ఘకాల లక్ష్యాల విషయంలో ఇన్వెస్టర్లను పక్కదోవ పట్టించకూడదన్నారు. ‘‘వ్యవస్థాగతేతర రిస్క్‌లను మ్యూచువల్‌ ఫండ్స్‌ మెరుగ్గా ఎదుర్కోగలవని, రిటైల్‌ ఇన్వెస్టర్ల కోసం నాణ్యమైన వైవిధ్యాన్ని కూడా కొనసాగించగలవన్నారు.  

 

బఫెట్‌ లేదా బోగ్లే?

‘‘దీర్ఘకాలం కోసం చూస్తుంటే, క్రమశిక్షణ కలిగిన వారు అయితే, ప్రాథమిక విలువను అర్థం చేసుకోగలిగితే మార్కెట్‌ను మించి మెరుగైన పనితీరు చూపించొచ్చు. ప్రతీ ఒక్కరూ మార్కెట్‌ను అధిగమించలేరు. కానీ, భావోద్వేగాలకు అతీతంగా లాజికల్‌గా ఆలోచించేవారు మంచి పనితీరు చూపించొచ్చు. అటువంటి వారికి మార్కెట్‌ అవకాశాలను కల్పిస్తుంది’’ అని ప్రశాంత్‌జైన్‌ చెప్పారు. భారత్‌లో మ్యూచువల్‌ ఫండ్స్‌ మార్కెట్‌లో కేవలం 5 శాతం వాటాయే కలిగి ఉన్నాయని, అమెరికాలో పరిస్థితికి చాలా దూరంలో ఉన్నట్టు చెప్పారు. మన మార్కెట్‌ కంటే పది రెట్లు అధికంగా అమెరికాలో ఫండ్స్‌ నిర్వహణలో ఆస్తులున్నట్టు పేర్కొన్నారు. అమెరికాతో పోలిస్తే భారత ఫండ్‌ మేనేజర్‌ బెంచ్‌మార్క్‌ కంటే మెరుగైన పనితీరు చూపించగలరని చెప్పారు. 

20 స్టాక్స్‌ ఉంటే వైవిధ్యం కాదు...

‘‘మ్యూచువల్‌ ఫండ్స్‌ వైవిధ్యం విషయంలో క్రమశిక్షణగా ఉంటాయి. కానీ రిటైల్‌ ఇన్వెస్టర్లు ఈ విషయంలో ఫెయిల్‌ అవుతారు. పోర్ట్‌ఫోలియోలో 20 స్టాక్స్‌ ఉంటే అది వైవిధ్యం కాదు. 1999లో 10 ఐటీ, టీఎంటీ కంపెనీలను కొనేసి వైవిధ్యం అనుకున్నారు. కొన్ని రంగాల మధ్య వ్యాపారం విషయంలో సహజ అనుబంధం ఉంటుంది. ఈ విధమైన సారూప్యత ఉన్న రంగాల షేర్లు కొంటే అది వైవిధ్యం కాదు. 2008లోనూ రియల్‌ ఎస్టేట్‌, క్యాపిటల్‌ గూడ్స్‌కు ఎక్కువ ప్రాధాన్యం ఇచ్చారు. ఎఫ్‌ఎంసీజీ, ఫార్మా గురించి ఎవరూ మాట్లాడలేదు. గత కొన్ని సంవత్సరాల కాలంలోనూ ఇదే తరహా ప్రాధాన్యం కొన్ని రంగాలపై ఉంది. ఈక్విటీల్లో రెండు రకాల రిస్క్‌ ఉంటుంది. ఒకటి వ్యవస్థాపరమైన రిస్క్‌. మొత్తం మార్కెట్‌ పెరగడం లేదా తగ్గడం ఉంటుంది. స్టాక్స్‌ను దీర్ఘకాలం పాటు కొనసాగించడం ద్వారానే ఈ రిస్క్‌ను తగ్గించుకోవచ్చు. మరోకటి వ్యవస్థాగతం కాని రిస్క్‌. ప్రతీ వ్యాపారం భిన్న స్థాయిల్లో దీన్ని ఎదుర్కొంటుంది. చమురు ధరలు పెరిగితే, వడ్డీ రేట్లు పెరిగితే, కరెన్సీ విలువ తగ్గితే, కొన్ని వ్యాపారాలకు లాభం. మరికొన్నింటికి కాదు’’ అని జైన్‌ వివరించారు.



You may be interested

‘పోర్ట్‌ఫోలియో రెడీ చేసుకుని రైడ్‌ చేయడమే’

Saturday 27th October 2018

ప్రస్తుత అనిశ్చిత పరిస్థితులు ఇన్వెస్టర్లకు అనుకూలమని, దీన్ని అవకాశంగా తీసుకుని ఇన్వెస్ట్‌మెంట్‌పై దృష్టి సారించాలని ఐఐఎఫ్‌ఎల్‌ సెక్యూరిటీస్‌ వైస్‌ ప్రెసిడెంట్‌ సంజీవ్‌ భాసిన్‌ సూచించారు. శుక్రవారం మార్కెట్‌ పతనం నేపథ్యంలో ఇన్వెస్టర్లకు ఏం సూచిస్తారన్న ప్రశ్నకు... ‘‘గత రెండేళ్లలోనే నిరాశావాదం చాలా ఎక్కువగా ఉంది. చాలా రంగాల స్టాక్స్‌ బేర్‌ మార్కెట్లోకి ప్రవేశించాయి. మంచి ధరల అవకాశాలు అనేవి ఉండవు. మూడు స్థూల ఆర్థిక అంశాలు మనకు అనుకూలంగా మారాయి.

భారత్‌ పట్ల విదేశీ ఇన్వెస్టర్లు సానుకూలమే: మొబిస్‌

Friday 26th October 2018

ప్రస్తుత ఆర్థిక సంవత్సరంలో కొన్ని రంగాల్లో మరో 5-10 శాతం మేర కరెక్షన్‌ ఉంటుందని మొబిస్‌ క్యాపిటల్‌ పార్ట్‌నర్స్‌ వ్యవస్థాపకుడు, సీనియర్‌ ఫండ్‌ మేనేజర్‌ మార్క్‌ మొబిస్‌ అన్నారు. మిగిలిన ప్రతికూల అంశాలన్నింటినీ ఇప్పటికే మార్కెట్లు గమనంలోకి తీసుకున్నట్టు చెప్పారు. భారత మార్కెట్లో పెట్టుబడులకు ఎంతో ఆసక్తితో ఉన్నానని, భారత ప్రభుత్వం అనుమతుల విషయంలో మరింత క్రీయాశీలంగా వ్యవహరించాలన్నారు. ప్రక్రియలను మరింత క్రమబద్ధం చేయాలని, అప్పుడు పెట్టుబడులు మరింత సులభంగా

Most from this category