STOCKS

News


క్రూడాయిల్‌ ధర అంచనా తగ్గించిన గోల్డ్‌మన్‌

Monday 7th January 2019
news_main1546858611.png-23456

కొత్త ఏడాదికి బ్రెంట్‌ క్రూడ్‌ బ్యారెల్‌ ధర అంచనాలను అంతర్జాతీయ బ్రోకింగ్‌ దిగ్గజం గోల్డ్‌మన్‌ సాక్స్‌ 62.50 డాలర్లకు తగ్గించింది. యూఎస్‌ షేల్‌ గ్యాస్‌ ఉత్పత్తి పెరుగుదల, చమురు మిగులు అధికం కావడంతో ఏడాది అంచనాలను 70 డాలర్లనుంచి తగ్గించినట్లు బ్రోకరేజ్‌ సంస్థ తెలిపింది. బ్రెంట్‌తో పాటు డబ్ల్యుటీఐ క్రూడ్‌ అంచనాలను కూడా గోల్డ్‌మన్‌ తగ్గించింది. డబ్ల్యుటీఐ క్రూడాయిల్‌ ధర ఏడాది అంచనాను 64.5 డాలర్ల నుంచి 55.50 డాలర్లకు తగ్గిస్తున్నట్లు తెలిపింది. మరో ఇన్వెస్ట్‌మెంట్‌ బ్యాంకు సొసైటి జెనరల్‌ సైతం క్రూడాయిల్‌ ఏడాది ఎస్టిమేషన్స్‌ను తగ్గించింది. బ్రెంట్‌ ధర అంచనాను 64.25 డాలర్లకు, డబ్ల్యుటీఐ క్రూడ్‌ ధర అంచనాను 57.25 డాలర్లకు తగ్గించింది. గతేడాది చివరలో ఒపెక్‌ క్రూడాయిల్‌ ఉత్పత్తి భారీగా పెరగడంతో ఈ ఏడాది సరఫరా మిగులు ఉండొచ్చని బ్రోకరేజ్‌ల అంచనా. దీంతో పాటు యూఎస్‌ పెర్మైన్‌ బేసిన్‌లో పైప్‌లైన్‌ ఇబ్బందులు అనుకున్న సమయం కన్నా ముందే ముగిసిపోతాయని గోల్డ్‌మన్‌ అభిప్రాయపడింది. బ్రెజిల్‌, కెనెడాల్లోని బడా ఆయిల్‌ ప్రాజెక్టులు ఈ ఏడాది పూర్తయి ఉత్పత్తి ఆరంభించనున్నాయి. ఇవన్నీ కలిసి అంతర్జాతీయ మార్కెట్లో చమురు సరఫరాను మరింత పెంచుతాయి. 
ఈ ఏడాది చమురు మార్కెట్లో కనిష్ఠ మార్జినల్‌ ధరలు బాలెన్స్‌ అవుతాయని, సరఫరా మిగులు, షేల్‌ గ్యాస్‌ ఉత్పత్తి పెరగడమే ఇందుకు కారణాలని గోల్డ్‌మన్‌ ప్రతినిధి డామియన్‌ కార్వాలిన్‌ చెప్పారు. గత సంవత్సరం అక్టోబర్‌లో దాదాపు 90 డాలర్లను సమీపించిన క్రూడాయిల్‌ ధర డిసెంబర్‌ నాటికి సగానికి పడిపోయి 50 డాలర్లకు అటుఇటుగా ట్రేడవుతోంది. యూఎస్‌, చైనా వాణిజ్యయుద్ధ భయాలతో ప్రపంచ ఎకానమీలో జోరు తగ్గిన కారణంగా చమురు ధరలు ఉన్నట్లుండి పడిపోయాయి. ఈ భయాలకు లిక్విడిటీ కొరత, వడ్డీరేట్ల పెంపు ఆజ్యం పోశాయి. దీంతో క్రూడాయిల్‌ భారీగా క్షీణించింది. ఈ పతనం చాలా ఎక్కువగా జరిగిందని బ్రోకింగ్‌సంస్థలు అభిప్రాయపడ్డాయి. ప్రపంచ ఎకానమీ వృద్ధి అంచనాలు 3.5 శాతం నుంచి 2.5 శాతానికి తగ్గించిన నేపథ్యంలో ఆయిల్‌మార్కెట్లు దీన్ని ప్రైస్‌ఇన్‌ చేసి ఉంటాయని అంచనా వేశాయి. అందువల్ల ఇకమీదట చమురు ధరలు కాస్తంత రికవరీ కావచ్చని తెలిపాయి. ప్రపంచ వృద్ధి 2.5 శాతాని కన్నా దిగువకు వస్తే మాత్రం ముడి చమురు ధరల్లో మరో పతనం ఉంటుదని హెచ్చరించాయి. 



You may be interested

ఫలితాలు, ఆర్థిక గణాంకాలు కీలకం..!

Monday 7th January 2019

గురువారం టీసీఎల్‌ క్యూ3 వెల్లడి శుక్రవారం ఇన్ఫోసిస్‌ ఫలితాలు ఈవారంలోనే పారిశ్రామిక ఉత్పత్తి డేటా వెల్లడి గురువారంనాటి జీఎస్‌టీ కౌన్సిల్‌ సమావేశంపైనా దృష్టి..  ఐటీ కంపెనీల బోణీతో ఈ ఏడాది క్యూ3(అక్టోబర్‌–డిసెంబర్‌) ఫలితాల సీజన్‌ ప్రారంభంకానుంది. టీసీఎల్‌, ఇన్ఫోసిస్, ఇండస్ఇండ్ బ్యాంక్, బజాజ్ కార్పొరేషన్ వంటి ప్రధాన సంస్థల ఫలితాలకు తోడు.. పలు జాతీయ, అంతర్జాతీయ స్థూల ఆర్థిక అంశాలు ఈవారంలో దేశీ మార్కెట్‌కు దిశా నిర్దేశం చేయనున్నాయని దలాల్‌ స్ట్రీట్‌ వర్గాలు భావిస్తున్నాయి. ఈ

2018లో ఫండ్స్‌ ఆస్తుల వృద్ధి రూ.1.24 లక్షల కోట్లు

Monday 7th January 2019

సిప్‌ పెట్టుబడుల్లో స్థిరమైన పెరుగుదల న్యూఢిల్లీ: మ్యూచువల్‌ ఫండ్స్‌ ఆస్తుల విలువ 2019లో నికరంగా రూ.1.24 లక్షల కోట్ల మేర పెరిగింది. ఇది 5.54 శాతం వృద్ధి. దీంతో అన్ని ఏఎంసీల నిర్వహణలోని ఆస్తుల విలువ 2018 డిసెంబర్‌ నాటికి రూ.23.61 లక్షల కోట్లుగా ఉంది. రిటైల్‌ ఇన్వెస్టర్ల ప్రాతినిధ్యం మంచిగా ఉండడం, సిప్‌ ద్వారా వచ్చే పెట్టుబడులు స్థిరంగా పెరుగుతూ వస్తుండడం ఏఎంసీల నిర్వహణలోని ఆస్తుల వృద్ధికి దోహదపడింది. 2017

Most from this category