STOCKS

News


ఆన్‌లైన్‌ రిటైల్‌... ఆకాశమే హద్దు!!

Friday 19th April 2019
Markets_main1555652127.png-25219

- 2030 నాటికి 170 బిలియన్‌ డాలర్లకు
- ప్రస్తుత మార్కెట్‌ 18 బిలియన్‌ డాలర్లు
- సౌకర్యం, తగ్గింపు ధరలు సానుకూలతలు
- ఒక్కో షాపర్‌ నుంచి రూ.12,800: జెఫ్రీస్‌

ముంబై: దేశ ఆన్‌లైన్‌ రిటైల్‌ మార్కెట్‌ చాలా వేగంగా ప్రగతి సాధిస్తోందని, 2030 ఆర్థిక సంవత్సరం నాటికి 170 బిలియన్‌ డాలర్లకు విస్తరిస్తుందని జెఫ్రీస్‌ నివేదిక పేర్కొంది. కాంపౌండెడ్‌గా 23 శాతం వృద్ధి ఉంటుందని అంచనా వేసింది. ప్రస్తుతం దేశ వ్యవస్థీకృత రిటైల్‌ మార్కెట్లో ఆన్‌లైన్‌ రిటైల్‌ వాటా 25 శాతంగా ఉండగా, 2030 నాటికి 37 శాతానికి పెరుగుతుందని తెలియజేసింది. నివేదికలోని అంశాల మేరకు... ప్రస్తుతం ఆన్‌లైన్‌ రిటైల్‌ మార్కెట్‌ పరిమాణం 18 బిలియన్‌ డాలర్లు. ఒక్కో ఆన్‌లైన్‌ షాపింగ్‌ కస్టమర్‌ ప్రస్తుతం ఒక ఏడాదిలో రూ.12,800ను ఖర్చు చేస్తుంటే... 2030 నాటికి ఇది రూ.25,138 స్థాయికి పెరుగుతుంది. భారీ తగ్గింపులు, క్యాష్‌బ్యాక్‌ ఆఫర్లతో మొబైల్‌ ఫోన్స్‌ సహా ఎలక్ట్రానిక్స్‌ విభాగంలో భౌతిక రిటైల్‌ దుకాణాల మార్కెట్‌ వాటాను ఆన్‌లైన్‌ రిటైల్‌ రంగం సొంతం చేసుకున్నట్లు జెఫ్రీస్‌ తెలియజేసింది. వస్త్రాలు, ఎలక్ట్రానిక్స్‌ అనేవి ఆన్‌లైన్‌ రిటైల్‌ రంగానికి ప్రధాన విభాగాలుగా ఉండగా, ఆన్‌లైన్‌ గ్రోసరీ విక్రయాలు కూడా పెరుగుతున్నట్టు ఈ నివేదిక పేర్కొంది. బిగ్‌బాస్కెట్‌, అమేజాన్‌ ప్యాంట్రీ ప్రతీ నెలా ప్రారంభంలో ఆఫర్లతో కొత్త కస్టమర్లను ఆకర్షిస్తున్నట్టు తెలిపింది.
సౌకర్యమే ఆకర్షణీయత
కొత్త కస్టమర్లు ఆన్‌లైన్‌ విభాగానికి రావటమనేది మున్ముందు బాగా పెరుగుతుందని అంచనా వేసిన ఈ నివేదిక... ధరల పరంగా తక్కువ వ్యత్యాసం, సౌకర్యాలు ఇందుకు కారణాలని వివరించింది. వ్యక్తిగత సంరక్షణ, మేకప్‌ ఉత్పత్తులకూ ఆన్‌లైన్‌ మార్కెట్‌ పెరుగుతున్నట్టు పేర్కొంది. ‘‘ఆన్‌లైన్‌ రిటైల్‌ మార్కెట్‌ విస్తరణకు ప్రస్తుతం తగ్గింపు ధరలు, సౌకర్యం అన్నవి సానుకూలతలుగా ఉన్నాయి. మధ్యకాలానికి తగ్గింపులన్నవి క్రమబద్ధీకరణ అవుతాయి. ఆ తర్వాత సౌకర్యం మాత్రమే వినియోగదారులను ఆకర్షించే అంశంగా ఉంటుంది. ఆన్‌లైన్‌లో షాపింగ్‌ చేసే వారిలో ఎక్కువ మందికి ఉత్పత్తుల నాణ్యతపై ఆందోళన ఉంది. నకిలీ వస్తువులు పంపుతున్న ఘటనలు కొన్ని చోటు చేసుకుంటున్నాయి కూడా. అయితే, ఆన్‌లైన్‌ రిటైలర్లు ఈ సమస్య పరిష్కారానికి చర్యలు తీసుకుంటున్నారు. ఇందుకు సమయం పడుతుంది. దీంతో అప్పటి వరకు కొంత మంది కస్టమర్లు ఆన్‌లైన్‌ రిటైల్‌కు దూరంగానే ఉంటారు’’ అని జెఫరీస్‌ నివేదిక వివరించింది. ఉత్పత్తుల నాణ్యతతోపాటు డేటా ఉల్లంఘనలు, సెక్యూరిటీపైనా ఆందోళన ఉన్నట్టు తెలిపింది. 



You may be interested

భారీ ఉద్యోగాల ‘డెలివరీ’!!

Friday 19th April 2019

- విస్తరణపై ఈ-కామర్స్‌, స్టార్టప్‌ సంస్థల ఆసక్తి - తొలి 6 నెలల్లో 51వేల ఉద్యోగాలు - భారీగా నిధుల సమీకరిస్తున్న కంపెనీలు న్యూఢిల్లీ: ఈ కామర్స్‌ సంస్థలు, స్విగ్గీ, గ్రోఫర్స్‌ వంటి స్టార్టప్‌ సంస్థలు డెలివరీ విభాగాన్ని విస్తరించటంపై దృష్టి పెట్టాయి. పెద్ద ఎత్తున ఉద్యోగులను నియమించుకోవడం ద్వారా అన్ని ప్రాంతాలకూ చేరుకునేలా సరఫరా వ్యవస్థను పటిష్టం చేసుకోవడంపై ఆసక్తి చూపిస్తున్నాయి. మార్కెట్లో పోటీ తీవ్రం కావడంతో కస్టమర్లను సొంతం చేసుకునేందుకు సరఫరా

39 శాతం పెరిగిన ఆర్‌బీఎల్‌ బ్యాంక్‌ లాభం

Friday 19th April 2019

- రూ.247 కోట్లకు నికర లాభం  - ఒక్కో షేర్‌కు రూ.2.70 మధ్యంతర డివిడెండ్‌  - రూ.3,500 కోట్లు సమీకరణ న్యూఢిల్లీ: ప్రైవేట్‌ రంగంలోని ఆర్‌బీఎల్‌ బ్యాంక్‌ నికర లాభం గత ఆర్థిక సంవత్సరం నాలుగో త్రైమాసిక కాలంలో 39 శాతం పెరిగింది. అంతకుముందటి ఆర్థిక సంవత్సరం (2017-18) నాలుగో త్రైమాసిక కాలంలో రూ.178 కోట్లుగా ఉన్న నికర లాభం గత ఆర్థిక సంవత్సరం (2018-19) క్యూ4లో రూ.247 కోట్లకు చేరుకుంది. మొత్తం ఆదాయం

Most from this category