STOCKS

News


నోట్ల రద్దు సరిగ్గా అమలు కాలేదు

Monday 10th December 2018
news_main1544417666.png-22794

ముంబై: పెద్ద నోట్ల రద్దు(డీమోనిటైజేషన్‌) జరిగి రెండేళ్లు పూర్తవుతున్నా.. మోదీ ప్రభుత్వంపై అసంతృప్తి సెగలు ఇంకా చల్లారడం లేదు. తాజాగా ప్రముఖ బ్యాంకర్‌ ఉదయ్‌ కోటక్‌ కూడా దీనిపై గళమెత్తారు. నోట్ల రద్దు నిర్ణయాన్ని సరిగ్గా అమలు చేయలేదని.. దీన్ని మెరుగైన ప్రణాళికతో చేసిఉంటే ఫలితాలు విభిన్నంగా ఉండేవని ఆయన అభిప్రాయపడ్డారు. కేంద్ర ప్రభుత్వ మాజీ ప్రధాన ఆర్థిక సలహాదారు అరవింద్ సుబ్రమణియన్‌ పుస్తకావిష్కరణ కార్యక్రమంలో పాల్గొన్న సందర్భంగా ‘డీమో’పై ఆయన ఈ వ్యాఖ్యలు చేశారు. అరవింద్‌ కూడా తన పుస్తకంలో డీమోను తీవ్రంగా విమర్శించిన సంగతి తెలిసిందే. కాగా, నోట్ల రద్దువల్ల చిన్న వ్యాపారాలు ఇప్పటికీ చాలా ఇబ్బందులు ఎదుర్కొంటున్నాయని.. అయితే, వీటి పునరుత్తేజానికి ప్రభుత్వం ప్రవేశపెడుతున్న చర్యలను స్వాగతిస్తున్నట్లు ఉదయ్‌ కోటక్‌ పేర్కొన్నారు. ‘డీమో విషయంలో చిన్న విషయాలను పట్టించుకొని, ప్రణాళికాబద్దంగా వ్యవహరించి ఉండాల్సింది. దీనివల్ల మరింత మెరుగైన ఫలితాలు వచ్చి ఉండేవి. రూ.500, రూ.1,000 నోట్లను రద్దు చేసినప్పుడు.. దీనికంటే అధిక విలువగల రూ.2,000 నోట్లను ఎందుకు ప్రవేశపెట్టాల్సి వచ్చింది. అదేవిధంగా అమలు చేయడంలో వ్యూహం కూడా సరిగ్గా లేదు. భారీ స్థాయిలో నోట్లను రద్దు చేయాలని అనుకున్నప్పుడు, అందుకు తగ్గట్లుగా సరైన విలువ(డినామినేషన్‌) గల నోట్లను అంతే స్థాయిలో ఎందుకు అందుబాటులో ఉంచలేదు. ఇలాంటి అంశాలన్నింటినీ పట్టించుకుంటే ఇప్పుడు పరిస్థితులు చాలా భిన్నంగా ఉండేవి. అయితే, డీమోతో ఫైనాన్షియల్‌ రంగానికి మాత్రం చాలా మేలు జరిగింది, నమ్మశక్యంకానంతగా పొదుపు పెరిగింది’  అని కోటక్‌ అభిప్రాయపడ్డారు.



You may be interested

కీలక మద్దతు 35,120

Monday 10th December 2018

ట్రేడ్‌ వార్‌ ముగింపునకు అమెరికా-చైనాల మధ్య ఒప్పందం కుదిరినా, ఆ డీల్‌ పట్ల మార్కెట్లకు ఏర్పడిన సందేహాలుతో పాటు చైనా ఫోన్ల కంపెనీ హువాయ్‌ సీఎఫ్‌ఓను అమెరికా ప్రోద్భలంతో కెనడా అరెస్టు చేసినందున, గతవారం ప్రపంచ మార్కెట్లు పతనమయ్యాయి. గత వారాంతంలో అమెరికా సూచీలు కేవలం మూడు ట్రేడింగ్‌ సెషన్లలో 6 శాతం వరకూ పడిపోవడం ఆందోళనకారకం. ఈ నేపథ్యంలో మన దేశంలో కొన్ని రాష్ట్రాల అసెంబ్లీ ఎన్నికల ఫలితాలు

కేబినెట్‌ ముందుకు నూతన వాణిజ్య విధానం: సురేష్‌ ప్రభు

Monday 10th December 2018

పనజి: నూతన వాణిజ్య విధానాన్ని కేబినెట్‌ అనుమతి కోసం పంపినట్టు కేంద్ర మంత్రి సురేష్‌ ప్రభు తెలిపారు. నూతన పాలసీ అమలుకు సంబంధించిన కార్యాచరణకు సిద్ధమైనట్టు మంత్రి గోవాలోని పనజిలో చెప్పారు. తయారీ రంగ వృద్ధి, విదేశీ టెక్నాలజీ బదిలీ, విదేశీ పెట్టుబడుల ఆకర్షణ లక్ష్యాలతో కేంద్ర ‍ప్రభుత్వం నూతన విధానాన్ని రూపొందించింది. 

Most from this category