STOCKS

News


నాల్కో లాభం 229 శాతం వృద్ధి

Tuesday 13th November 2018
news_main1542086016.png-21941

భువనేశ్వర్‌: అల్యూమినియమ్‌ దిగ్గజం, ప్రభుత్వ రంగ నేషనల్‌ అల్యూమినియమ్‌ కంపెనీ (నాల్కో) ఈ ఆర్థిక సంవత్సరం సెప్టెంబర్‌ క్వార్టర్లో రూ.510 కోట్ల నికర లాభాన్ని ఆర్జించింది. గత ఆర్థిక సంవత్సరం ఇదే క్వార్టర్లో సాధించిన నికర లాభం రూ.223 కోట్లతో పోలిస్తే 229 శాతం వృద్ధి సాధించామని నాల్కో తెలిపింది. నిర్వహణ లాభం రూ.223 కోట్ల నుంచి 229 శాతం వృద్ధితో రూ.725 కోట్లకు చేరుకుంది. ఇక ఈ ఆర్థిక సంవత్సరం రెండు క్వార్టర్లను పరిగణనలోకి తీసుకుంటే టర్నోవర్‌ 42 శాతం వృద్ధితో రూ.5,952 కోట్లకు, నికర లాభం 229 శాతం వృద్ధితో రూ.1,197 కోట్లకు పెరిగాయని పేర్కొంది. గత ఆర్థిక సంవత్సరం తొలి రెండు క్వార్టర్లలో రూ.334 కోట్లుగా ఉన్న నిర్వహణ లాభం ఈ ఆర్థిక సంవత్సరం రెండు క్వార్టర్లలో నాలుగు రెట్లు పెరిగి రూ.1,624 కోట్లకు చేరింధఙ. ఎబిటా మార్జిన్‌ 17 శాతం నుంచి రెట్టింపై 34 శాతానికి పెరిగిందని పేర్కొంది. 
‘‘అమెరికా వాణిజ్య ఆంక్షల కారణంగా అల్యూమినా, అల్యూమినియమ్‌ ధరల్లో తీవ్రమైన ఒడిదుడుకులు చోటు చేసుకున్నాయి. అయినప్పటికీ, పనితీరు చెప్పుకోదగిన స్థాయిలో మెరుగుపడింది. ఏడాది క్రితం మేం ఆరంభించింన కొత్త వ్యాపార విధానమే దీనికి కారణం. ఈ విధానంలో భాగంగా వ్యయాల నియంత్రణ, ఉత్పత్తి పెంపు, స్పాట్‌ మార్కెట్లలో వ్యూహాత్మక మార్కెటింగ్‌ వంటి అంశాలపై ప్రధానంగా దృష్టి కేంద్రీకరించాం’’ అని నాల్కో వివరించింది. మార్కెట్‌ ముగిసిన తర్వాత నాల్కో ఆర్థిక ఫలితాలు వెలువడ్డాయి. ఆర్థిక ఫలితాల నేపథ్యంలో బీఎస్‌ఈలో నాల్కో షేర్‌ 1.2 శాతం క్షీణించి రూ.69.45 వద్ద ముగిసింది. 



You may be interested

ప్రధానితో ఆర్‌బీఐ గవర్నర్ భేటీ

Tuesday 13th November 2018

న్యూఢిల్లీ: కేంద్రంతో వివాదాస్పద అంశాలను పరిష్కరించుకునే దిశగా రిజర్వ్ బ్యాంక్ ప్రయత్నాలు చేస్తోంది. ఇందులో భాగంగా ఆర్‌బీఐ గవర్నర్ ఉర్జిత్ పటేల్ గత వారం ప్రధాని నరేంద్ర మోదీతో భేటీ అయినట్లు తెలుస్తోంది. ఈ నెల 9న న్యూఢిల్లీ వచ్చిన ఉర్జిత్ పటేల్‌.. ప్రధాని కార్యాలయంలో పలువురు సీనియర్ అధికారులతో సమావేశం అయినట్లు సంబంధిత వర్గాలు తెలిపాయి. వీటిలో కొన్నింటిలో ప్రధాని కూడా పాల్గొన్నట్లు వివరించాయి. ఈ చర్చల నేపథ్యంలో

జెట్‌ ఎయిర్‌వేస్‌కు ఇంధన సెగ

Tuesday 13th November 2018

ముంబై: జెట్‌ ఎయిర్‌వేస్‌ కంపెనీకి ఈ ఆర్థిక సంవత్సరం జూలై-సెప్టెంబర్‌ క్వార్టర్లో రూ.1,261 కోట్ల నికర నష్టాలు(కన్సాలిడేటెడ్‌) వచ్చాయి. ఈ కంపెనీకి నష్టాలు రావడం ఇది వరుసగా మూడో క్వార్టర్‌. ముడి చమురు ధరలు బాగా పెరగడంతో ఇంధన వ్యయాలు 59 శాతం ఎగిశాయి. దీనికి తోడు డాలర్‌తో రూపాయి పతనం కారణంగా విదేశీ మారక ద్రవ్య నష్టాలు ఆరు రెట్లు పెరగడంతో జెట్‌ ఎయిర్‌వేస్‌కు ఈ స్థాయిలో నష్టాలు

Most from this category