STOCKS

News


అరబిందో చేతికి సాండోజ్‌

Friday 7th September 2018
news_main1536297215.png-20054

హైదరాబాద్, బిజినెస్‌ బ్యూరో: హైదరాబాద్‌కు చెందిన ఫార్మా దిగ్గజం అరబిందో చేతికి అమెరికాకు చెందిన సాండోజ్‌ డెర్మటాలజీ చిక్కింది. యూఎస్‌కు చెందిన నోవార్టిస్‌ ఏజీ జనరిక్‌ వ్యాపార విభాగమే ఈ సాండోజ్‌. డీల్‌ విలువ 1 బిలియన్‌ డాలర్‌ (రూ.7,200 కోట్లు). దీనికింకా అమెరికా ఫెడరల్‌ ట్రేడ్‌ కమీషన్‌ అనుమతి ఇవ్వాల్సి ఉందని.. 2019 నాటికి ఈ డీల్‌ మూగిసే అవకాశముందని అరబిందో ఒక ప్రకటనలో తెలియజేసింది. ఈ ఆర్ధిక సంవత్సరం తొలి త్రైమాసికంలో సాండోజ్‌ వ్యాపారం 0.6 బిలియన్‌ డాలర్లుగా ఉంది. ఈ కొనుగోలులో సాండోజ్‌కు చెందిన ఉత్తర కరోలినాలోని విల్సన్‌ తయారీ కేంద్రం, న్యూయార్క్‌లోని హిక్స్‌విల్లీ, మెల్‌విల్లీ తయారీ కేంద్రాలు అరబిందో వశమవుతాయని కంపెనీ ఒక ప్రకటనతో తెలిపింది. దీంతో పాటూ హిక్స్‌విల్లీ, మిల్‌విల్లీ, విల్సన్, ప్రిన్స్‌టన్, న్యూజెర్సీల్లోని సుమారు 750 మంది ఉద్యోగుల, ఫీల్డ్‌ రిప్రజెంట్స్‌ కూడా కూడా అరబిందోకు బదిలీ అవుతారు. ప్రస్తుతం సాండోజ్‌కు చెందిన సుమారు 300 ఉత్పత్తులతో పాటూ అభివృద్ధి చేస్తున్న పలు ప్రాజెక్ట్‌లు కూడా అరబిందోకు విక్రయిస్తున్నట్లు సాండోజ్‌ ఒక ప్రకటనలో తెలిపింది.
యూఎస్‌లో ఎంట్రీ కోసమే..
అమెరికాలో వ్యాపార వృద్ధి, విస్తరణలో భాగంగానే ఈ కొనుగోలు జరిగిందని అరబిందో ఫార్మా ఎండీ ఎన్‌ గోవిందరాజన్‌ పత్రికా సమావేశంలో చెప్పారు. దీంతో అమెరికాలో జనరిక్‌ డెర్మటాలజీ మార్కెట్లో విస్తరణకు, మా ఉత్పత్తుల ప్రవేశానికి తలుపులు చేరిచినట్లయిందని చెప్పారు. ‘‘అత్యంత సమర్థవంతమైన ఉత్పాదన, నిర్వహణ, లాభదాయకమైన మార్కెట్‌ వంటివి ప్రధాన లక్ష్యంగా చేసుకొనే సాండోజ్‌తో పాటూ గతంలో జరిపిన ఇతర కంపెనీల కొనుగోళ్లు జరిగాయని’’ గోవిందరాజన్‌ వివరించారు.
2వ అతిపెద్ద కంపెనీగా..
సాండోజ్‌కు జనరిక్‌ బ్రాండ్‌ డెర్మటాలజీ విభాగంతో పాటూ అభివృద్ధి కేంద్రం కూడా ఉంది. కొనుగోళ్ల లావాదేవీలతో పరిశీలిస్తే అమెరికాలో డెర్మటాలజీ విభాగంలో అరబిందో 2వ అతిపెద్ద కంపెనీగా అవతరించింది. వాస్తవానికి సాండోజ్‌ విభాగంలో డెర్మటాలజీ కంటే ఓరల్‌ సాలిడ్స్‌ (టాబ్లెట్స్‌ మరియు క్యాప్సల్స్‌) వ్యాపార విభాగం పెద్దది. కానీ, అరబిందో ప్రధాన లక్ష్యం తక్కువ ధర, నిర్వహణ ద్వారా డెర్మటాలజీ విభాగాన్ని లాభంలోకి తీసుకురావాలనేది. గురువారం బీఎస్‌ఈలో అరబిందో షేరు క్రితం ముగింపుతో పోలిస్తే 9.12 శాతం పెరిగి రూ.759.55 వద్ద స్థిరపడింది.

 



You may be interested

మరింతగా పెరిగిన పసిడి..!

Friday 7th September 2018

న్యూయార్క్‌/ముంబై:- ఆసియా మార్కెట్లో పసిడి వరుసగా మూడోరోజూ లాభపడింది. యెన్‌ బలపడంతో డాలర్ క్షీణించడం, అమెరికా చైనా దేశాల మధ్య ట్రేడ్‌వార్‌ భయాలు పసిడికి పెరుగుదలకు కారణమవుతున్నాయి. ఆసియా మార్కెట్లో శుక్రవారం భారతవర్తమాన కాలం గం.10:15ని.లకు ఔన్స్‌ పసిడి 2.60 డాలర్ల పెరిగి రూ.1,206.80 డాలర్ల వద్ద ట్రేడ్‌ అవుతోంది. వచ్చేవారంలో అమెరికా అధ్యక్షుడు ట్రంప్‌ జపాన్‌తో నెలకొన్న వాణిజ్య సమస్యలను పరిష్కరించడానికి ఆదేశ ప్రతినిధులతో చర్చిస్తారని అమెరికా మీడియాలో

‘అమ్రపాలి’పై ఎన్‌సీఎల్‌టీకి వెళ్లండి!

Friday 7th September 2018

న్యూఢిల్లీ: రియల్టీ కుంభకోణంలో చిక్కుకున్న అమ్రపాలి గ్రూప్‌నకు వ్యతిరేకంగా ఎన్‌సీఎల్‌టీని (నేషనల్‌ కంపెనీ లా ట్రిబ్యునల్‌) ఆశ్రయించడానికి కార్పొరేషన్‌ బ్యాంక్‌కు అత్యున్నత న్యాయస్థానం సుప్రీంకోర్టు అనుమతిచ్చింది. అమ్రపాలి గ్రూప్‌నకు రుణాలిచ్చిన బ్యాంకుల కన్సార్షియంకు కార్పొరేషన్‌ బ్యాంక్‌ నేతృత్వం వహిస్తున్న సంగతి తెలిసిందే. అయితే అత్యున్నత న్యాయస్థానం ఆదేశాలు లేకుండా ఈ కేసులో తదుపరి ప్రొసీడింగ్స్‌ చేపట్టకూడదని ఎన్‌సీఎల్‌టీకి జస్టిస్‌ అరుణ్‌ మిశ్రా, యూయూ లలిత్‌లతో కూడిన ద్విసభ్య ధర్మాసనం నియంత్రణలు

Most from this category