STOCKS

News


అపోలో హాస్పిటల్స్‌ నుంచి అపోలో ఫార్మసీ విభజన

Thursday 15th November 2018
news_main1542257814.png-22016

న్యూఢిల్లీ: అపోలో హాస్పిటల్‌ ఎంటర్‌ప్రైజెస్‌... తన ఫార్మసీ (ఔషధ విక్రయ శాలలు) రిటైల్‌ వ్యాపారాన్ని అపోలో ఫార్మసీస్‌ లిమిటెడ్‌ (ఏపీఎల్‌) పేరుతో వేరు చేయాలని నిర్ణయించింది. అపోలో మెడికల్స్‌ ప్రైవేటు లిమిటెడ్‌కు ఏపీఎల్‌ పూర్తి అనుబంధ సంస్థగా కొనసాగుతుంది. అపోలో మెడికల్స్‌ ప్రైవేటు లిమిటెడ్‌లో అపోలో హాస్పిటల్స్‌ ఎంటర్‌ప్రైజెస్‌కు 25.5 శాతం వాటా ఉంటుంది. అలాగే, జీలమ్‌ ఇన్వెస్ట్‌మెంట్‌ ఫండ్‌-1కు 19.9 శాతం, హేమెంద్ర కొఠారికి 9.9 శాతం వాటా, ఇనామ్‌ సెక్యూరిటీస్‌ ప్రైవేటు లిమిటెడ్‌కు 44.7 శాతం చొప్పున వాటాలు ఉంటాయి. ఆరోగ్య సేవలు, ఫార్మసీ వ్యాపారాలకు సంబంధించి దీర్ఘకాలిక విధానాన్ని సమీక్షించిన అనంతరం బుధవారం ఈ నిర్ణయం తీసుకుంది. స్పష్టమైన విధానంతో పనిచేసేందుకు వీలుగా ఈ వ్యాపారాన్ని ప్రత్యేక విభాగంగా ఏర్పాటు చేయడానికి ఇది సరైన సమయమని భావించినట్టు తెలిపింది.
రూ.10,000 కోట్ల ఆదాయ లక్ష్యం
ఐదేళ్లలో 5,000 ఔషధ దుకాణాలు, రూ.10,000 కోట్ల ఆదాయం లక్ష్యంతో ఫార్మసీ విభాగం పనిచేయనున్నట్టు అపోలో హాస్పిటల్స్‌ తెలిపింది. ఈ నిర్ణయంతో డిజిటల్‌ కామర్స్‌లోకి ప్రవేశించేందుకు వీలు కలుగుతుందని, ఆన్‌లైన్‌, ఆఫ్‌లైన్‌లో ఏదన్నది నిర్ణయించుకునే సౌకర్యం వినియోగదారులకు లభిస్తుందని పేర్కొంది. ప్రస్తుతం దేశవ్యాప్తంగా 20 రాష్ట్రాలు, నాలుగు కేంద్ర పాలిత ప్రాంతాల్లోని 400 పట్టణాల్లో అపోలో ఫార్మసీకి 3,167 దుకాణాలు ఉన్నాయి. కంపెనీ వ్యాపారాల పునర్‌వ్యవస్థీకరణ అనంతరం.. ఏపీఎల్‌కు అపోలో హాస్పిటల్స్‌ ఔషధ సరఫరాదారుగా ఉంటుంది. తాజా నిర్ణయం అపోలో హాస్పిటల్స్‌ ఆర్థిక ఫలితాలపై ప్రభావం చూపించదని సంస్థ ఎగ్జిక్యూటివ్‌ వైస్‌ చైర్‌పర్సన్‌ శోభన కామినేని తెలిపారు. 



You may be interested

4జీ స్పీడ్‌లో జియో టాప్‌

Thursday 15th November 2018

న్యూఢిల్లీ: 4జీ సేవలకు సంబంధించి అక్టోబర్‌లో రిలయన్స్ జియో అగ్రస్థానం దక్కించుకుంది. సగటున 22.3 ఎంబీపీఎస్‌ డౌన్‌లోడ్‌ స్పీడ్‌తో సర్వీసులు అందించింది. మరోవైపు, అప్‌లోడ్ స్పీడ్‌లో (5.9 ఎంబీపీఎస్‌) ఐడియా సెల్యులార్‌ అగ్రస్థానంలో నిల్చింది. జియో 4జీ డౌన్‌లోడ్‌ వేగం.. పోటీ సంస్థ భారతి ఎయిర్‌టెల్‌తో పోలిస్తే (9.5 మెగాబిట్స్ పర్‌ సెకను.. ఎంబీపీఎస్‌) రెట్టింపు స్థాయిలో ఉందని మైస్పీడ్‌ పోర్టల్‌లో టెలికం రంగ నియంత్రణ సంస్థ ట్రాయ్ ఉంచిన

ఈ నెల 28 వరకూ నాల్కో షేర్ల బైబ్యాక్‌

Thursday 15th November 2018

న్యూఢిల్లీ: ప్రభుత్వ రంగ నేషనల్‌ అల్యూమినియం కంపెనీ (నాల్కో) రూ.505 కోట్ల మేర షేర్లను బైబ్యాక్‌ చేయనుంది. ఈ నెల 13న ఆరంభమైన ఈ షేర్ల బైబ్యాక్‌ ఈ నెల 28న ముగుస్తుందని నాల్కో తెలిపింది. గత నెల 12న జరిగిన డైరెక్టర్ల బోర్డ్‌ సమావేశంలో ఈ షేర్ల బైబ్యాక్‌ ప్రతిపాదనకు  ఆమోదం లభించిందని తెలియజేసింది. షేర్ల బైబ్యాక్‌లో భాగంగా 6.73 కోట్ల షేర్లను ఒక్కో షేర్‌ను రూ.75 ధరకు

Most from this category