STOCKS

News


మార్చి దాకా పొడిగింపు..

Wednesday 13th February 2019
Markets_main1550039844.png-24172

  • టీవీ చానెల్స్‌ను ఎంచుకునేందుకు గడువు పెంచిన ట్రాయ్‌
  • ఇంకా ఎంపిక చేసుకోని వారికోసం 'బెస్ట్ ఫిట్ ప్లాన్' అమలు

న్యూఢిల్లీ: కొత్త బ్రాడ్‌కాస్టింగ్‌, కేబుల్ సేవల విధానం కింద టీవీ వీక్షకులు తమకు కావాల్సిన చానల్స్‌ను ఎంచుకునేందుకు నిర్దేశించిన గడువును టెలికం రంగ నియంత్రణ సంస్థ ట్రాయ్ తాజాగా మార్చి 31 దాకా పొడిగించింది. ఒకవేళ కస్టమర్లు నిర్దిష్టంగా చానల్స్‌ను ఎంచుకోని పక్షంలో సముచితమైన ప్లాన్‌ను (బెస్ట్ ఫిట్ ప్లాన్‌) వారికి అందించాలని డిస్ట్రిబ్యూషన్ ప్లాట్‌ఫాం ఆపరేటర్స్ (డీపీవో- కేబుల్ ఆపరేటర్లు)కు సూచించింది. ఆయా కస్టమర్ల వినియోగ ధోరణి, భాషల ప్రాధాన్యం, పాపులర్ చానల్స్‌ తదితర అంశాలను ఇందుకోసం పరిగణనలోకి తీసుకోవాలని పేర్కొంది. "ఇప్పటిదాకా చానళ్లను ఎంచుకోని సబ్‌స్క్రయిబర్స్‌ని ఉద్దేశించి గడువును మార్చి 31 దాకా పొడిగించాం. అప్పటిదాకా డీపీవోలు అమలు చేసే బెస్ట్ ‍ఫిట్ ప్లాన్‌ను గడువులోగా ఎప్పుడైనా మార్చుకోవచ్చు. తాము ఎంపిక చేసుకున్న చానల్స్‌ను డీపీవోకి తెలియజేస్తే 72 గంటల్లో తదనుగుణంగా ప్లాన్‌ను మార‍్చడం జరుగుతుంది" అని ట్రాయ్ మంగళవారం ఒక ప్రకటనలో తెలిపింది. బెస్ట్ ఫిట్ ప్లాన్‌కు మారినంత మాత్రాన ప్రత్యేకంగా లాకిన్ వ్యవధి ఏమీ ఉండదని, మార్చి 31లోగా ఎప్పుడైనా మార్చుకోవచ్చని స్పష్టం చేసింది. కొత్త బ్రాడ్‌కాస్టింగ్ విధానం గతేడాది డిసెంబర్ 29నే అమల్లోకి వచ్చినప్పటికీ.. టీవీ వీక్షకులు తమకు నచ్చిన చానల్స్‌ను ఎ౾ంపిక చేసుకునేందుకు జనవరి 31దాకా ట్రాయ్ గడువిచ్చింది. తాజాగా దాన్నే పొడిగించింది. 

65 శాతం ఎంపిక పూర్తి..
ప్రస్తుతం దేశవ్యాప్తంగా 10 కోట్ల కేబుల్ కనెక్షన్లు, 6.7 కోట్ల డీటీహెచ్ కనెక్షన్లు ఉన్నాయని అంచనా. ఇప్పటికే కేబుల్ టీవీ వినియోగదారులు 65 శాతం మంది, డీటీహెచ్ వినియోగదారులు 35 శాతం మంది తమకు కావాల్సిన చానల్స్‌ను ఎంపిక చేసుకున్నట్లు ట్రాయ్ పేర్కొంది. కొత్త విధానంతో సబ్‌స్క్రయిబర్స్‌ తాము కోరుకునే చానల్స్‌కు మాత్రమే చెల్లించేందుకు వెసులుబాటు లభిస్తుందని తెలిపింది. నిర్దిష్టంగా చానల్స్‌ను ఎంపిక చేసుకోని వారికి ఇబ్బంది కలగకూడదనే ఉద్దేశంతో బెస్ట్ ఫిట్ ప్లాన్‌ ప్రతిపాదన అమలు చేస్తున్నట్లు వివరించింది. కస్టమరు తనకు కావాల్సిన చానల్స్‌ను ఎ౾ంపిక చేసుకునే దాకా లేదా బెస్ట్ ఫిట్ ప్లాన్‌కు బదిలీ అయ్యే దాకా పాత పథకమే కొనసాగుతుందని ట్రాయ్ పేర్కొంది.



You may be interested

కార్పోరేట్‌ బ్రీఫ్‌

Wednesday 13th February 2019

లోక్‌సభ ముందుకు పోంజీ స్కీముల నిషేధం బిల్లు న్యూఢిల్లీ: సామాన్య ఇన్వెస్టర్లు బోగస్ పొదుపు పథకాలతో (పోంజీ స్కీములు) మోసపోకుండా చూసేందుకు ఉద్దేశించిన బిల్లును మంగళవారం లోక్‌సభలో కేంద్ర ఆర్థిక మంత్రి పియుష్ గోయల్ ప్రవేశపెట్టారు. అనియంత్రిత డిపాజిట్ పథకాల నిషేధం బిల్లుపై లోక్‌సభ బుధవారం చర్చించి, ఆమోదముద్ర వేసే అవకాశం ఉంది. బడ్జెట్‌ చివరి రోజు కావడంతో ప్రశ్నోత్తరాల సమయాన్ని రద్దు చేసి పూర్తి సమయాన్ని దీనికే కేటాయించాలని, దీంతో

సన్‌ ఫార్మా లాభం నాలుగు రెట్లు

Wednesday 13th February 2019

పుంజుకున్న అమెరికా జనరిక్స్‌ వ్యాపారం రూ.7,740 కోట్లకు మొత్తం ఆదాయం  ఆర్‌ అండ్‌ డీ పెట్టుబడులు అమ్మకాల్లో 6 శాతం  న్యూఢిల్లీ: సన్‌ ఫార్మా నికర లాభం ఈ ఆర్థిక సంవత్సరం మూడో త్రైమాసిక కాలంలో నాలుగు రెట్లు పెరిగింది. గత క్యూ3లో రూ.322 కోట్లుగా ఉన్న నికర లాభం(కన్సాలిడేటెడ్‌) ఈ క్యూ3లో రూ.1,242 కోట్లకు పెరిగిందని సన్‌ ఫార్మా తెలిపింది. శాతం పరంగా చూస్తే, 286 శాతం వృద్ధి సాధించింది. అమెరికా జనరిక్స్‌

Most from this category