STOCKS

News


ఐపీఓకు ఇది సరైన సమయం కాదు

Thursday 6th September 2018
Markets_main1536209791.png-20006

న్యూఢిల్లీ: ఓఎన్‌జీసీ విదేశ్‌ లిమిటెడ్‌(ఓవీఎల్‌)ను స్టాక్‌ మార్కెట్లో లిస్టింగ్‌ చేయడానికి ఇది సరైన సమయం కాదని ఓవీఎల్‌ ఉన్నతాధికారొకరు పేర్కొన్నారు. మొజాంబిక్‌, ఇరాన్‌ల్లోని భారీ చమురు క్షేత్రాల్లో 2022 నుంచి ఉత్పత్తి చేయడం ఆరంభిస్తామని, అప్పుడైతే, మంచి విలువ వస్తుందని, స్టాక్‌ మార్కెట్లో లిస్టింగ్‌కు అదే సరైన సమయమని ఆయన వివరించారు.  ఈ విషయాన్ని ఇంకా ప్రభుత్వానికి నివేదించలేదని, థర్డ్‌ పార్టీ ఎనాలసిస్‌ పూర్తయిన తర్వాత ప్రభుత్వానికి అన్ని విషయాలు వెల్లడిస్తామని పేర్కొన్నారు. 


ఓవీఎల్‌ను స్టాక్‌ మార్కెట్లో లిస్ట్‌ చేయాలని గత నెలలో ప్రభుత్వం ఓఎన్‌జీసీకి ఒక లేఖ రాసిన విషయం తెలిసిందే. ఓవీఎల్‌ను లిస్ట్‌ చేయడం ద్వారా వచ్చిన నిధులను స్పెషల్‌ డివిడెండ్‌గా ప్రభుత్వానికి చెల్లించాలని, దీంతో ఈ ఆర్థిక సంవత్సరం డిజిన్వెస్ట్‌మెంట్‌ లక్ష్యం నెరవేరుతుందని ఆ లేఖలో ప్రభుత్వం పేర్కొంది. 

గత ఆర్థిక సంవత్సరంలో హెచ్‌పీసీఎల్‌లో 51.11 శాతం వాటాను ఓఎన్‌జీసీ కొనుగోలు చేసింది. దీంతో గత ఆర్థిక సంవత్సరం డిజిన్వెస్ట్‌మెంట్‌ లక్ష్యాన్ని ప్రభుత్వం సునాయాసంగా సాధించగలిగింది. ఎయిర్‌ ఇండియా వాటా విక్రయం ద్వారా ఈ ఏడాది డిజిన్వెస్ట్‌మెంట్ లక్ష్యాన్ని సాధించాలని ప్రభుత్వం యోచించింది. కానీ ఈ వాటా విక్రయం విఫలం కావడంతో మళ్లీ ఓఎన్‌జీసీ వైపు ప్రభుత్వం చూస్తోంది. 



You may be interested

రూపాయి కారణంగా స్టీల్‌ రంగానికి మంచి రోజులు

Thursday 6th September 2018

ముంబై: పడుతున్న రూపాయి దేశీయ స్టీల్‌ రంగానికి లాభం చేకూర్చనుంది. రానున్న నెలల్లో ఎగుమతుల వృద్ధికి దోహదపడుతుందని, అదే సమయంలో దిగుమతుల ధరలు పెరగడం వల్ల దేశీయ ఉత్పత్తుల ధరలకు ఊతం లభిస్తుందని, దీంతో మొత్తం మీద దేశ స్టీల్‌ వాణిజ్య లోటు తగ్గిపోతుందని ఇక్రా తన నివేదికలో పేర్కొంది. రూపాయి డాలర్‌తో 71.75కు క్షీణించిన విషయం తెలిసిందే. ‘‘2018-19 మొదటి త్రైమాసికం (ఏప్రిల్‌-జూన్‌)లో స్టీల్‌ ఎగమతులు 33 శాతం

జమ్మూ-హైదరాబాద్‌ మధ్య ఇండిగో విమానాలు రద్దు!

Thursday 6th September 2018

జమ్మూ: విమానయాన సంస్థ ఇండిగో జమ్మూ నుంచి పలు ప్రాంతాలకు నడిచే మూడు విమానాలను ఉపసంహరించుకుంది. రెండింటిని ఇటీవలే ఉపసంహరించుకోగా, ఒకటి వేసవిలో ఉంటుందని జమ్మూ ఎయిర్‌పోర్ట్‌ డైరెక్టర్‌ వీకే గౌతం తెలిపారు. ఈ కారణంగా జమ్మూ నుంచి హైదరాబాద్‌, ఢిల్లీ, బెంగళూరు, అమృత్‌సర్‌, జైపూర్‌కు ఇండిగో విమాన సేవలు నిలిచిపోయినట్టయింది. అయితే, ఉపసంహరణకు కారణాన్ని కంపెనీ తెలియజేయలేదని గౌతం చెప్పారు. జమ్మూ ఎయిర్‌పోర్ట్‌ విస్తరణ జరుగుతున్న సమయంలో ఇండిగో

Most from this category