STOCKS

News


సెన్సెక్స్‌ రికార్డుస్థాయికి చేరేముందు....

Monday 18th March 2019
Markets_main1552892586.png-24663

ప్రపంచ స్టాక్‌ మార్కెట్లను లిక్విడిటీ ముంచెత్తుతున్న నేపథ్యంలో భారత్‌కు సైతం హఠాత్తుగా విదేశీ నిధుల ప్రవాహం పెరిగింది. ఈ కారణంగా గతవారం పెద్ద ర్యాలీ జరిపిన భారత్‌ స్టాక్‌సూచీలు ఆల్‌టైమ్‌ రికార్డుస్థాయికి కేవలం 3 శాతం దూరంలో వున్నాయి. మరోవైపు అటు విదేశీ, ఇటు స్వదేశీ ఫండ్స్‌ ఫెవరేట్‌ రంగమైన బ్యాంకింగ్‌ సూచి గతేడాది నెలకొల్పిన రికార్డుస్థాయిని అవలీలగా అధిగమించేసి, ఈ రోజుకారోజు కొత్త రికార్డుల్ని నెలకొల్పుతోంది. అమెరికా కేంద్ర బ్యాంక్‌ ఫెడరల్‌ రిజర్వ్‌ వడ్డీ రేట్లపై తిరిగి కఠినవైఖరిలోకి మారకపోతే...ఇక్కడి లోక్‌సభ ఎన్నికల ఫలితాలు-అంచనాలతో సంబంధం లేకుండా ర్యాలీ కొనసాగే అవకాశాలున్నాయని అత్యధికశాతం బ్రోకరేజ్‌ సంస్థలు అభిప్రాయపడుతున్నాయి. ఇక సూచీల సాంకేతిక అంశాల విషయానికొస్తే, 

సెన్సెక్స్‌ సాంకేతికాలు...
మార్చి 15తో ముగిసిన వారంలో అనూహ్యంగా ర్యాలీ జరిపిన బీఎస్‌ఈ సెన్సెక్స్‌ 38,250 పాయింట్ల గరిష్టస్థాయిని అందుకుంది. చివరకు అంతక్రితంవారంకంటే 1,353 పాయింట్ల భారీ లాభాన్ని ఆర్జించి, 38,024 పాయింట్ల వద్ద ముగిసింది. గతేడాది ఆగస్టు 29 నాటి రికార్డు గరిష్టస్థాయి 38,989 పాయింట్ల స్థాయివరకూ ర్యాలీ చేయడానికి అవసరమైన కీలక అవరోధాల్ని అన్నింటినీ సెన్సెక్స్‌ గతవారం అధిగమించినట్లే. అయితే లాభాల స్వీకరణ కారణంగా రికార్డుస్థాయిని చేరేముందు చిన్న విరామాలు వుండవచ్చు. ఈ కోణంలో.... ఈ వారం అప్‌ట్రెండ్‌ కొనసాగితే తొలుత 38,250-38,420 పాయింట్ల శ్రేణి వద్ద ఆగవచ్చు. అటుపైన ముగిస్తే 38,580 పాయింట్ల స్థాయిని అందుకోవొచ్చు. ఆపైన 38,730-38,989 పాయింట్ల శ్రేణి వరకూ పరుగు కొనసాగవచ్చు. ఈ వారం తొలి స్టాప్‌ వద్ద బ్రేక్‌పడితే 37,700 పాయింట్ల సమీపంలో తక్షణ మద్దతు లభిస్తున్నది. ఈ లోపున ముగిస్తే 37,480 పాయింట్ల వరకూ తగ్గవచ్చు. ఈ స్థాయిని సైతం కోల్పోతే 37,230 పాయింట్ల వద్దకు క్షీణించవచ్చు. 

నిఫ్టీ తక్షణ మద్దతు 10,345
గత వారం ఎన్‌ఎస్‌ఈ నిఫ్టీ 11,487 పాయింట్ల గరిష్టస్థాయికి పెరిగిన తర్వాత చివరకు  అంతక్రితంవారంతో పోలిస్తే 392 పాయింట్ల భారీ లాభంతో 11,427 పాయింట్ల వద్ద ముగిసింది. గతేడాది ఆగస్టు 28 నాటి రికార్డు గరిష్టస్థాయి అయిన 11,760 పాయింట్ల వద్దకు చేరేందుకు సాంకేతికంగా కీలక అవరోధమైన 11,345 పాయింట్ల స్థాయిని గతవారం అవలీలగా నిఫ్టీ అధిగమించింది. ఈ కారణంగా రానున్న రోజుల్లో కొత్త రికార్డుల సాధనకు మార్గం సుగమమయ్యింది. ఈ క్రమంలో ఈ వారం నిఫ్టీ అప్‌ట్రెండ్‌ కొనసాగితే వెనువెంటనే 11,490-11,525 పాయింట్ల శ్రేణిని అందుకోవొచ్చు. ఆపైన ముగిస్తే 11,605 పాయింట్ల స్థాయిని చేరవచ్చు. అటుపై క్రమేపీ 11,700-11,760 పాయింట్ల శ్రేణిని అందుకోవొచ్చు. ఈ వారం 11,490-11, 525 పాయింట్ల శ్రేణిని దాటలేకపోతే 11,345 పాయింట్ల వద్ద తక్షణ మద్దతును పొందవచ్చు. ఈ లోపున ముగిస్తే 11,275 పాయింట్ల వరకూ క్షీణత కొనసాగవచ్చు. ఈ స్థాయి దిగువన 11,225 పాయింట్ల వద్దకు తగ్గవచ్చు.



You may be interested

ఆర్‌కామ్‌కు వ్యతిరేకంగా ఎన్‌సీఎల్‌టీకి బీఎస్‌ఎన్‌ఎల్‌

Monday 18th March 2019

రూ.700 కోట్ల బకాయిల వసూలు కోసమే న్యూఢిల్లీ: రిలయన్స్‌ కమ్యూనికేషన్స్‌ (ఆర్‌కామ్‌) నుంచి రూ.700 కోట్ల బకాయిలను రాబట్టుకునేందుకు ఈ వారంలోనే జాతీయ కంపెనీ లా ట్రిబ్యునల్‌ (ఎన్‌సీఎల్‌టీ)ను ప్రభుత్వరంగ బీఎస్‌ఎన్‌ఎల్‌ ఆశ్రయించనుంది. ఇప్పటికే ఎరిక్సన్‌ కేసులో ఈ నెల 19వ తేదీ నాటికి రూ.453 కోట్లను ఆర్‌కామ్‌ ప్రమోటర్‌ అనిల్‌ అంబానీ కట్టాల్సి ఉంది. లేదంటే జైలుకు వెళ్లాల్సి ఉంటుందని సుప్రీంకోర్టు తీవ్రంగా హెచ్చరించింది. దీంతో బ్యాంకు ఖాతాలోని రూ.260

ఇంటర్వెల్‌ ఫండ్‌ అంటే?

Monday 18th March 2019

ప్ర: నేను కొంత మొత్తాన్ని గత రెండేళ్ల నుంచి సిస్టమేటిక్‌ ఇన్వెస్ట్‌మెంట్‌ ప్లాన్‌(సిప్‌) విధానంలో ఒక ఫండ్‌లో ఇన్వెస్ట్‌ చేస్తున్నాను. కానీ ఈ ఫండ్‌ పనితీరు గత ఏడాది కాలంలో ఏమంత సంతృప్తికరంగా లేదు. ఈ ఫండ్‌ యూనిట్లన్నింటినీ విక్రయించి ఈ ఫండ్‌ నుంచి బైటపడాలా లేక కొత్త ఇన్వెస్ట్‌మెంట్స్‌ ఆపేయాలా ? లేకుంటే సిప్‌లు కొనసాగించమంటారా?  -ధీర, హైదరాబాద్‌  జ: ఏదైనా మ్యూచువల్‌ ఫండ్‌ పనితీరును అంచనా వేసేటప్పుడు ఒక ముఖ్యమైన

Most from this category