News

10550 పాయింట్ల వద్ద నిరోధం
నిఫ్టీకి దిగువన 9900- 9950 పాయింట్ల వద్ద కీలక మద్దతు ఉందని బొనాంజ సెక్యూరిటీస్‌ తెలిపింది. ప్రస్తుతం నిఫ్టీ కన్సాలిడేషన్‌ మూడ్‌లో ఉందని అభిప్రాయపడింది. 10200- 10550 పాయింట్ల మధ్యనే నిఫ్టీ తిరగాడవచ్చని అంచనా వేసింది. దిగువన 10200 పాయింట్లను నిలుపుకోలేకుంటే 9900 పాయింట్ల వరకు దిగజారుతుందని తెలిపింది. కన్సాలిడేషన్‌ రేంజ్‌ను బ్రేక్‌ చేస్తేనే తదుపరి కదలికలు నిర్ధారించుకోవచ్చని తెలిపింది. పైస్థాయిలో 10550 పాయింట్లకు పైన 10700 పాయింట్లు అత్యంత కీలక నిరోధమని వివరించింది. ఈ స్థాయిని దాటితే క్రమంగా 11000 పాయింట్ల వరకు నిఫ్టీ చేరవచ్చని అంచనా వేసింది. గత మూడునాలుగు రోజులుగా 100 రోజలు డీఎంఏ స్థాయికి పైన బేస్‌ను ఏర్పరుచుకుంటోందని, గురువారం పతనం అనంతరం ముగింపు సమయానికి కోలుకుంటే బాటమ్‌ స్థాయిలను ఖరారు చేసుకోవచ్చని తెలిపింది. ఆప్షన్స్‌ డేటా చూస్తే 10000- 10700 పాయింట్లు కీలక మద్దతు, నిరోధాలుగా ఉండవచ్చని తెలుస్తోందని వివరించింది. ప్రస్తుతం నిఫ్టీ డైలీ కనిష్ఠాల నుంచి కోలుకొంది. 10300 పాయింట్ల పైన ట్రేడవుతోంది. ఒక దశలో నిఫ్టీ 10200 పాయింట్లను కోల్పోయి 10150 పాయింట్ల దగ్గరకు వచ్చింది. మధ్యాహ్నం నుంచి సూచీల్లో చిన్నపాటి రికవరీ కనిపిస్తోంది.